నేనో కవితా పాదం చెప్పాను
మెచ్చుకుంటావని ఆశించాను
నువ్వేమో 'నువ్వు చాలా అందంగా ఉన్నావ్' అన్నావు
నేను కవిత చదివి వినిపించాను
చప్పట్లు మోగుతాయనుకున్నా
నువ్వన్నావూ.. ఈ రంగు నీ ఒంటికి బాగా నప్పిందని
ఎప్పుడైనా కళ్ళు మూసుకుని చెవులతో మాత్రమే విని చూడు
నా మాటలకూ విలువైన అర్థాలున్నాయి
నేనెలా ఉంటానో చెప్పేందుకు
నా ఇంట్లో చాలా అద్దాలున్నాయి
హిందీ మూలం : మేరే ఘర్ మే బహుత్ సే ఆయినే హై
మూల కవి : నేహా రోడా
తెలుగు అనువాదం: ఫణిమాధవి కన్నోజు
నేహా రోడా
వృత్తిరీత్యా ఛార్టర్డ్ అకౌంటెంట్. ప్రశాంతమైన జీవనం కోసం కార్పొరేట్ ఉద్యోగాన్ని వదిలిపెట్టారు. గజల్స్, షాయరీలు వింటూ పెరిగారు. ఇప్పటికీ అవి వినటం శాంతినిస్తుందంటారు. గాలీబ్ ఆమెకు అభిమాన కవి. మనసులోతుల్లో గాఢంగా అనుభూతి చెందినపుడే భావోద్వేగాలను పదాల్లోకి ఒంపి కవిత్వం చేస్తానంటారు. అంతకు ముందూ రాసినా 2023 నుంచీ విరివిగా రాస్తున్నారు.
