తోకమల్లి చెట్ల నీడల్లో
చెట్టాపట్టాల్ నడక.
ప్రాణమంతా వేలాడేసి
రహస్యాల్ని వినే
పున్నాగపూలు.
*
గదిలో వెన్నెల చారిక
గది నానుకుని సన్నజాజి తీగ
ఊపిర్లు సర్దుకునే ఘడియల్లో
సుతారమైన రెక్కలతో ఎగిరివచ్చి
మృదువుగా తాకే పూవు.
*
విచ్చుకున్న పారిజాతం
ఆకుమీదే రాలిపడి-
రాతిరి నా నిశ్చింత నిద్ర
నీ మోచేతి దండ మీద.
*
పొగమంచు వాకిట్లో
పల్చని పరిమళం.
గుత్తులు గుత్తులుగా
బంతీ చేమంతీ.
పూలఋతువట లోకంలో.
ఎంత హాయి,
ఋతువు మారని ప్రేమ
కొలువైన హృదయంలో.
Spread the love ప్రతి వర్తమానం కొన్ని పాత్రల క్లైమాక్స్ -తెరలేచినట్టు అంకం ముగిసినట్టు నిష్క్రమించే పాత్రల నిరంతరత -ఏ రంగు డబ్బాలో ముంచి తీసినా నీ చేతులకు తప్ప కాలం కుంచెకు రంగులేవీ అంటుకోవు నిత్యవానలా ఎన్ని కన్నీళ్లున్నా ఏ అసంకలిత దుఃఖాన్నీ అవని తన భుజాల మీద మోయదు సమస్త వాతావరణం ఊపిరి బిగబట్టుకునే ప్లాట్ పాయింటోఆశ్చర్యపరిచే కథాగమనమో సమ్మోహన వ్యక్తిత్వాలుండే పాత్రలో ఏ రంగానికి ఆ రంగాన్ని […]
Spread the love కురిసే వానకనులతో , మబ్బుల్లో తడిసిన చీకటికేశాలు విరబోసుకుని ఆమె నడుస్తూ వస్తుందిఆమె చుట్టూ అంతా చీకటితోఆమె చూపుల్లో రగులుతున్న నిప్పులుఆమె అడుగులు నేలని పిడుగులా కదిలిస్తున్నాయి. ఆమెకి ఎదురుగా నిలబడటానికి ఎవరికీ ధైర్యం లేదు వచ్చిన దారిలో వణుకుతున్న వనాలు ఆమె ఆగ్రహానికి సాక్ష్యంగా నిలబడ్డాయి ప్రతి మెరుపు ఆమె శరీరాన్ని చీల్చుకుపోయే బాధను వ్యక్తపరుస్తుంటే ప్రతి ఉరుము ఆమె గుండెలో నుంచి ఎగిసే విప్లవాన్ని […]
