కాసుల గలగల లేకపోతే
కనికరించని జీవితం..
పరిగెత్తి పరిగెత్తి డస్సి
ఒక నీటి చుక్క కోసం దోసిలి పడితే
కనుచూపు మేర ఎడారి..
నాగరిక వడగాలులు
ముమ్మరంగా వీస్తున్న నగరంలో
ఒక నియోరిచ్ రోడ్డులా మసలిపోతూ..
విరిసిన పువ్వు వాడిపోవడమో
ఎవని పాలబడి వాడుకోవడమో తప్ప
మరో దారి తెలియని
ఏ ఐ జీవితాలు
వర్చువల్ బతుకుల్లో
చాట్ జీపీటీ ల సంభాషణల్లో
పైథోన్ బిగి కౌగిల్లో
డేటా ఎనాలిసిస్ చేస్తుందీ
జిగేలు అరణ్యం.
ఎన్ని చెప్పు..
నగరం నోరు తెరిచిన ఊబి.
విసిగిపోయి ఇంటికొస్తే
కళ్ళమెరుపుల్తో కాళ్ళూచేతులు ఆడించే
శిశువు పసినవ్వులా వుండదు.
అకారణంగా అలిగి కూర్చొని
మన జీవన మకరంద మిఠాయి బిళ్ళలు
కావాలని మొండికేసే పెంకిపిల్లది.
నవ్వుకుంటూ ఇవ్వలేము.
అలాగని మనం మనల్ని ఖర్చు చేసుకుంటూ
ఇవ్వకుండా ఉండలేము.
ఇక్కడ మనకు రూఢిగా తెలుస్తుంది..
ఒకటి కావాలంటే
మరొకటి వదులుకోవాల్సిందేనని !
P. Srinivas Goud
ప్రత్యేక అవసరాలు గల పిల్లలకు ఉపాధ్యాయులుగా పని చేసి, ప్రస్తుతం నిర్మాణ రంగంలో వున్నారు. కవిత్వం, కథ, విమర్శ, అనువాదాలలో కృషి చేస్తున్నారు. ఇప్పటివరకు 9 కవిత్వ పుస్తకాలు వెలువరించారు. 2024లో మార్జినోళ్ళు కథా సంపుటి వెలువరించారు. శ్రీనివాసం- కవిత్వ విశ్లేషణలు వెలువరించారు. కవిత్వ అనువాదంలో 4 పుస్తకాలు వచ్చాయి. ఈ సంవత్సరం మరికొన్ని అనువాదాలు రానున్నాయి. రచనలకు గాను పలు ప్రతిష్టాత్మకమైన అవార్డులు అందుకున్నారు. ప్రస్తుత నివాసం హైదరాబాద్.
సెల్ : 9949429449 మెయిల్ : srinivasgoudpoet@gmail.com
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
- P. Srinivas Goud
ఒకటి కావాలంటే ఇంకోటి వదలాల్సిందే..
వాస్తవిక నగర జీవన శకలం.. wah..
నమస్తే గౌడ్ సర్🌷🌷