పూడిక

జూలై 12, 1975 లో నా.ముత్తుకుమార్ కాంచీపురంలో జన్మించారు. ఆయన తమిళులకు ఒక గీత రచయితగా మాత్రమే పరిచయం. సినిమాల్లో దర్శకుడు అవుదాం అని వచ్చిన ఆయన స్వతహాగా మంచి కవి. సినిమాల్లో గీతరచయితగా తన ప్రస్థానాన్ని 20 ఏళ్ళు కొనసాగించారు. దాదాపు 350 చిత్రాలకు పాటలు అందించిన ఆయన ఇంతవరకు 6 కవితా సంకలనాలు, కొన్ని వ్యాససంపుటాలు రచించారు. తన 41 ఏట పచ్చకామెర్ల వ్యాధితో ఆయన మరణించారు.

శ్రీనివాస్ తెప్పల 1989 విశాఖజిల్లాలోని పాయకరావుపేట లో జన్మించారు. 1998 లో కుటుంబంతో పాటు చెన్నైలో స్థిరపడిన తను, విద్యాభ్యాసం కూడా అక్కడే పూర్తి చేసుకున్నారు. కంప్యూటర్ అప్లికేషన్స్‌లో డిగ్రీ పూర్తిచేసిన తను ఆరేళ్ళు గ్రాఫిక్ డిజైనర్‍‍గా పని చేసి 2019 లో జాబ్ వదిలేసి, ప్రస్తుతం సినిమాల్లో సహాయ దర్శకుడిగా పని చేస్తున్నారు. సాహిత్యం మీదున్న ఆసక్తితో కొన్ని కథలను, కవితలను అనువాదం చేశారు. కుమార్ కూనపరాజు గారి కథలను ఎంపిక చేసి ‘ముక్కుళిపాన్’ పేరిట, పెద్దింటి అశోక్ కుమార్ గారి జిగిరి నవలను ‘కరడి’ పేరిట తమిళంలోకి అనువదించారు. తమిళ రచయిత నరన్ గారి కథాసంకలనం ‘కేశం’ త్వరలో తెలుగులోకి రానుంది.