1.శ్వేతాశ్వం
—---------
ఈశాన్యం నుంచి
దౌడు తీసుకొచ్చింది
ఓ శ్వేతాశ్వం.
కాలి జీనుకి
గుచ్చుకొని రెండు బాణాలు..
పాపం..రౌతు !
అతని కథ ఎవరు చెపుతారు..?
అర్థరాత్రి వేళ
అతని దళాధిపతి
ఎలా పోరాడాడో..ఎలా గాయపడ్డాడో..
ఎలా మరణించాడో..
ఈ పోరు వల్ల
ఎంతోమంది అమరులయ్యారు.
నా కన్నీళ్ళు ఆగడం లేదు..
నేను విలపిస్తూ వున్నాను.
2.వెన్నెల రాత్రి
—------------
ఈ రాత్రి
ఈ వెన్నెలలో
ఇంట్లో కిటికీ దగ్గర
నా భార్య ఒంటరిగా వుంది.
నా పిల్లల గురించిన ఆలోచన
తట్టుకోలేక పోతున్నాను.
ఇంటికి నేనెందుకు రాలేకపోతున్నానో
అర్థం చేసుకోలేని పసిప్రాయం వారిది.
ఈ పొగమంచులో
ఆమె కురులు తడిబారి వుంటాయి.
ఈ జాబిలి వెలుగులో
ఆమె చేతులు వడలిపోయి వుంటాయి.
తెరలు తొలిగి మేమిద్దరం
ఒక దగ్గరయినప్పుడు
మా ముఖాల మీద
కారే కన్నీటి చారికల్ని
ఈ వెన్నెల మాపగలదా..?
దుఫు
యుద్ధంలో వున్న సైనికుని మానసిక స్థితిని హృద్యంగా చెప్పిన కవితలు. మీ అనువాదం చాలా బాగుంటుంది. అభినందనలు సర్.